Beynǝlxalq Әfv Tǝşkilatının hesabatı

Suriya rejiminin çǝllǝk (barrel) bombaları ilǝ Hǝlǝb şǝhǝrinǝ yönǝldilmiş bombardmanı 2014-cü il yanvar ayı ilǝ cari ilin mart ayına qǝdǝr olan dövrdǝ üç mindǝn artıq sakinin hǝlakına sǝbǝb olub.
Beynǝlxalq Әfv Tǝşkilatının yayımladığı “Ölüm hǝr yerdǝ:Hǝlǝbdǝ hǝrb günahları vǝ insan haqlarının tapdalanması” başlıqlı hesabata ǝsasǝn Suriya hökumǝtinǝ sadiq qüvvǝlǝr çǝllǝk (barrel) bombaları vǝ digǝr partlayıcılarla şǝhǝrdǝ dinc ǝhalinin sıx yaşadığı bölgǝlǝrǝ hücum edǝrǝk beynǝlxalq insan haqlarını tapdalayıb.
Hava hücumları xüsusilǝ müxalifǝt qüvvǝlǝrinin nǝzarǝtindǝ olan bölgǝlǝrǝ edilib.
Hǝlǝbdǝki dinc ǝhali isǝ çǝllǝk bombaları ilǝ edilǝn hücumların zǝrǝrindǝn xilas olmaq mǝqsǝdi ilǝ “yer altı”na sığınıb.
Beynǝlxalq Әfv Tǝşkilatı Orta Şǝrq vǝ Şimali Afrika proqramı direktoru Filip Luther Suriyadakı vǝziyyǝtǝ Beynǝlxalq Cinayǝt Mǝhkǝmǝsindǝ baxılmasının vacibliyini dilǝ gǝtirib.