Muzeyə hücum edənlərin adları açıqlanıb

Tunisdə 23 nəfərin ölümü ilǝ nəticələnən Milli Bardo Muzeyində baş verən terror aktını DEAŞ təşkilatı öz üzərinə götürüb.
Terorçuların Əbu Zəkəriyyə et-Tunis və Əbu Ənəs et-Tunis olduğu bildirilir.
Tunisin Baş naziri Habib es-Sayd baş vermiş terror aktıyla əlaqədar fövqalada iclas keçirib.

Sayd, terrorçuların üzərlərindəki bombaları partlatmağa imkan verilmədən zərərsizlǝşdirildiklərini bildirib.
Terror aktı nəticəsində həyatını itirən 20 turist arasındakı 2 nəfər İspanya vətəndaşı üçün Barcelonada iki günlük matəm elan edilib, sağ qalan diqər 2 nəfər üçün isə İspaniya hökuməti vətənə qayıtmaları üçün Tunisə təyyarə göndərib.
İspaniya Xarici İşlər Nazirliyi, ölkə vətəndaşlarına Tunis, Əlcəzair və Liviyaya səyahət etməmələrini tövsiyə edib.