Mǝrkǝzi Kǝşfiyyat İdarǝsinin sǝdri Brennanın açıqlaması
Brennan, DEAŞ kimi terrorçu qrupların yeni texnologiyaların kömǝkliyi ilǝ daha tǝşkilatlı şǝkildǝ hücumlar hǝyata keçirǝ bildiklǝrini bildirib.
ABŞ-ın Mǝrkǝzi Kǝşfiyyat İdarǝsinin sǝdri Con Brennan Nyu York Xarici Әlaqǝlǝr Şurasındakı çıxışında, DEAŞ kimi terrorçu qrupların yeni texnologiyaların kömǝkliyi ilǝ daha tǝşkilatlı şǝkildǝ hücumlar hǝyata keçirǝ bildiklǝrini bildirib.
Brennan Fransadakı jurnala hücum, Danimarkada bir rejissorun öldürülmǝsi vǝ Pakistandakı mǝktǝb hücumu kimi terror aktlarına diqqǝt çǝkǝrǝk deyib ki, bu hücumlar terrorun tǝqib edilmǝsinin vǝ aktların öncǝdǝn qarşısının alınmasının nǝ qǝdǝr çǝtinlǝşdiyini sübut edir.
DEAŞ-ın tǝşkilatlanmasına da toxunan Brennan, “DEAŞ yaraqlılarının ǝksǝriyyǝti dindǝn özlǝrinǝ maska olaraq istifadǝ edǝn psixopat qatildir” deyib.
DEAŞ silahlılarına “Müsǝlman terrorçu” deyilmǝsinin sǝhv olduğunu da vurğulayan Brennna bildirib ki, bu qatillǝri “Müsǝlman terrorçu” vǝ ya “radikal islamçı” olaraq xarakterizǝ etmǝk bu şǝxslǝrǝ çox istǝdiklǝri, ancaq haqq etmǝdiklǝri bir növ legitimlik qazandırmaqdır.
