Xarici mәtbuat
Gündəm xarici media vasitələrində:
Fransa AFP: Türkiyәnin dövlәt başçısı Rәcәb Tayyib Әrdoğan Rusiyanın Ankaradakı sәfiri Andrey Karlova tәşkil edilәn sui-qәsdә baxmayaraq Suriya mövzusu daxil olmaqla Rusiyalı hәmkarı Vladimir Putinlә әmәkdaşlığı davam etdirmәk mәsәlәsindә razılıq әldә etdiklәrini söylәyib.
Avrasiya tünelinin açılış mәrasimindә çıxış edәn Rәcәb Tayyib Әrdoğan bildirib ki: ‘‘Rusiya ilə münasibәtlәrimizin pozulmasına, ziyan görməsinə əsla icazə verməyəcəyik’’
Rusiya,TASS: İstanbulda Avrasiya tunelinin açılış mәrasimindә çıxış edən Türkiyәnin dövlәt başçısı Rәcәb Tayyib Ərdoğan Rusiyanın Ankaradakı sәfiri Andrey Karlovun cinayәti ilә bağlı birgә istintaq komissiyasının yaradıldığını bildirib.
Әrdoğan: "Türkiyə ilə Rusiya birgə istintaq komissiyası yaradıb. Rusiyadan gәlәn nümayәndә heyәti artıq istintaq işinә başlayıb. Rusiya ilə münasibәtlәrimizin pozulmasına, ziyan görməsinə əsla icazə verməyəcəyik.’’ deyib.
Almaniya, DPA: Rusiyanın Ankaradakı sәfirinә tәşkil edilә sui-qәstdәn bir neçә saat sonra Rusiya, Türkiyə və İran, Suriya mövzusunda daha yaxın əməkdaşlıq etmәk məsələsində razılıq әldә edib. Moskvada həmkarları ilə görüşdükdən sonra Rusiya Xarici İşlər naziri Sergey Lavrov üç ölkәnin dә Suriya rəhbərliyi ilə müxalifət qüvvәlәri arasında razılığın әldә edilmәsi üçün vasitәçi olmağa hazır olduqlarını deyib.
Rusiya Müdafiə naziri Sergey Şoyqu da dünәn Türkiyə və İran müdafiə nazirləri ilә bir araya gəlib. Şoyqu Andrey Karlova tәşkil edilәn sui-qəsd ilə əlaqədar: "Bu cür aktların beynəlxalq aləmdə terrorizmlə mübarizə səylərimizlə bağlı olduğunu anlayırıq. Bu mübarizəni qәtiyyәtlә davam etdirәcәyik’’ deyә bildirib.
ABŞ, AP: Asiya ilə Avropa bölgəsini birləşdirən və dənizin dibində inşa edilən Avrasiya Tuneli istifadəyə verilib. Avrasiya tüneli Rusiyanın Ankaradakı sәfirinә tәşkil edilәn sui-qәsdә baxmayaraq açıldı.
Dövlәt başçısı Rәcәb Tayyib Әrdoğan: ''Terrorun bizi öz gündəminə əsir etməsinə icazə vermədik, bundan sonra da bu mövqeyimiz davam edəcəkdir. Onun üçün bugün Avrasiya Tunelinin açılış mərasimini təxirə salmadıq. Bunun terrora qarşı ən düzgün və ən təsirli mövqe olduğuna inanırıq'' deyib.
Әlaqәli Xәbәrlәr
Xarici mətbuat, 27 avqust 2021
Dünya informasiya vasitələrində gündəmə dair dərc olmuş xəbərlərdən başlıqlar