İran “Simurq”dan orbitə üç peyk göndərdi
Peyklərin buraxılışı İslam İnqilabının 45-ci ildönümü münasibətilə həyata keçirilib
İran ölkənin Müdafiə Nazirliyi tərəfindən hazırlanmış ikipilləli “Simurq” daşıyıcı raketindən istifadə edərək orbitə üç peykini çıxarıb.
TASS agentliyi xəbər verir ki, bu barədə İSNA agentliyi məlumat yayıb.
Bildirilib ki, çəkisi 32 kiloqram olan “Mahda” peyki və çəkisi 10 kiloqramdan az olan “Kayhan-2” və “Hatef-1” nanopeykləri 450 kilometr yüksəklikdə orbitə çıxarılıb.
“Mahda” yüklərin orbitə çatdırılmasında dəqiqliyi yoxlamaq üçün İran Kosmik Araşdırmalar Mərkəzi tərəfindən hazırlanıb. İki nanopeyk isə darzolaqlı rabitə və geopozisiya sistemlərini sınaqdan keçirmək üçün nəzərdə tutulub.
Peyklərin buraxılışı İslam İnqilabının 45-ci ildönümü münasibətilə həyata keçirilib.
Әlaqәli Xәbәrlәr
İraqdakı Kor-Mor təbii qaz yatağı hədəf alınıb, ölən və yaralananlar var
Hücumdan sonra Kor-Mor təbii qaz yatağında yanğın baş verib.