İranda isti hava ilə əlaqədar tətil elan edilib

İranda isti hava ilə əlaqədar həftənin çərşənbə və cümə axşamı günləri bütün ölkə üzrə tətil elan edilib.

Bu barədə hökumət sözçüsü Bəhadri Cəhormi özünün tviter hesabında məlumat verib.

Onun sözlərinə görə, son günlərdə şiddətli istiləri nəzərə alaraq hökumət vətəndaşların sağlamlığının qorunması məqsədilə Səhiyyə Nazirliyinin bütün ölkədə çərşənbə və cümə axşamı günlərinin tətil edilməsi təklifini qəbul edib.

Qeyd edək ki, son həftələrdə həddindən artıq isti havanın təsirli olduğu İranda sabah ölkənin cənub-qərbindəki bəzi şəhərlərdə hava istiliyinin 51 dərəcəyə çatacağı təxmin edilir. Paytaxt Tehranda 40 dərəcə isti gözlənilir.