Ukrayna ordusu Staromayorski kəndini azad edib

Ukrayna Silahlı Qüvvələrinin döyüşçüləri Donetsk vilayətinin Volnovaxsk rayonunun Staromayorski kəndini Rusiya ordusundan azad edib.

Bu barədə Ukrayna Prezidenti Volodimir Zelenski etdiyi paylaşımda bildirib.

Dövlət başçısı Ukrayna Silahlı Qüvvələrinin döyüşçülərinin ölkənin cənubundakı Staromayorsku azad etdiyini əks etdirən video yayımlayıb.

Videoda öz ölkələrinin bayrağını daşıyan ukraynalı əsgərlərin “35-ci briqada və Arey batalyonu üzərinə düşən vəzifəni yerinə yetirərək Staromayorske kəndini xilas etdi” dedikləri görünür.