Yunanıstanda yanğınsöndürən təyyarə qəzaya uğrayıb

Yunanıstanın paytaxtı Afinadan təxminən 200 kilometr aralıda yerləşən Karisto bölgəsində yanğınsöndürmə işlərinə qatılan təyyarənin qəzaya uğradığı bildirilib.

Yunanıstan mətbuatının məlumatına görə, yanğınsöndürmə işlərinə qatılan "Canadair CL-215" tipli təyyarə Karisto bölgəsindəki Platanistos kəndi yaxınlığında qəzaya uğrayıb.

Göyərtəsində iki pilotu olan təyyarənin Yunanıstana məxsus olduğu bildirilib.

Ərazidə axtarış-xilasetmə işlərinə başlanıldığı qeyd edilib.