“Azərbaycanın ərazi bütövlüyünü tanıyırıq”, N.Paşinyan

  Ermənistanın baş naziri Nikol Paşinyan Azərbaycanın ərazi bütövlüyünü tanıdıqlarını bəyan etdi.

  N.Paşinyan Avropa Şurasının İslandiyada keçirilən iclasında Azərbaycanla danışıqlar prosesinə toxunaraq deyib: “Ötən həftə sonu Avropa İttifaqı Şurasının sədri Şarl Mişelin vasitəçiliyi ilə irəliləyiş əldə olundu. Azərbaycan və Ermənistan bir-birinin ərazi bütövlüyünü tanıyır”.

  Qeyd edək ki, Azərbaycan və Ermənistan xarici işlər nazirləri mayın 19-da Rusiyanın paytaxtı Moskvada görüşəcəklər. Rusiya xarici işlər naziri Sergey Lavrovun ev sahibliyi edəcəyi görüşdə sülh sazişi üzrə danışıqlar aparılacaq. Mayın 25-də isə Rusiya prezidenti Vladimir Putin Azərbaycan və Ermənistan dövlət başçılarını Moskvada keçiriləcək üçtərəfli sammitdə qəbul edəcək.