İsrail əsgərləri daha bir fələstinlini öldürüb
İsrail ordusunun işğal altındakı İordan çayının qərb sahilində həyata keçirdiyi əməliyyat nəticəsində bir fələstinli həyatını itirib.
TRT xəbər verir ki, bu barədə Fələstin Səhiyyə Nazirliyindən məlumat yayılıb. Bildirilib ki, İsrail qüvvələri bu gün səhər saatlarında İordan çayının qərb sahilinin şimalındakı Nablus şəhərinə basqın edib. Hadisə zamanı 17 yaşlı fələstinli Həmzə əl-Aşkar İsrail əsgərləri tərəfindən başından vurularaq öldürülüb.
İsrail ordusu isə səhər saatlarında İordan çayının qərb sahilinin müxtəlif nöqtələrinə basqınların təşkil edildiyini, ancaq bəzi fələstinlilərin İsrail qüvvələrinə daş və molotof kokteyli atdığını, bu səbəblə 4 fələstinlinin nəzarətə alındığını, atəş açan bir gəncin vurulduğunu bildirib.
Qeyd edək ki, 2023-cü ilin ilk ayından bəri İsrail ordusu və yəhudi köçkünlərin açdığı atəş nəticəsində biri qadın, 9-u uşaq olmaqla 42 fələstinli həyatını itirib.
Әlaqәli Xәbәrlәr
İraqdakı Kor-Mor təbii qaz yatağı hədəf alınıb, ölən və yaralananlar var
Hücumdan sonra Kor-Mor təbii qaz yatağında yanğın baş verib.