Rusiya paytaxt Kiyevə raket atdı, partlayış səsləri yüksəldi
Kiyevin meri Vitali Kliçko paytaxtın infrastruktur obyektlərindən birinin raket zərbəsindən ciddi zərər gördüyünü açıqlayıb
Ukraynanın bütün bölgələrində hava xəbərdarlığı elan edilib. Əhaliyə Rusiya ordusu tərəfindən raket təhlükəsi ilə bağlı xəbərdarlıq edilib.
Paytaxt Kiyevdə partlayış səsləri eşidilib. Paytaxtın sol sahilində elektrik enerjisinin verilişində ciddi problem yaranıb.
Kiyevin meri Vitali Kliçko paytaxtın infrastruktur obyektlərindən birinin raket zərbəsindən ciddi zərər gördüyünü açıqlayıb.
Eyni zamanda, Kiyev sakinləri şəhərin sol sahilində partlayışlar olduğunu bildirirlər. Dağıntılar və itkilər barədə hələ ki, məlumat verilmir.
İlkin məlumata görə, ölkənin bir çox bölgələrində, o cümlədən Poltova, Dnepropetrovsk, Odessa, Çerkası, Jitomir, Kiyev vilayətlərində Ukraynanın havadan müdafiə sistemləri işləyir.
Әlaqәli Xәbәrlәr
İraqdakı Kor-Mor təbii qaz yatağı hədəf alınıb, ölən və yaralananlar var
Hücumdan sonra Kor-Mor təbii qaz yatağında yanğın baş verib.