Hücumlardan sonra  Ukraynanın bütün  ərazisində həyəcan siqnalı verilib.

Məlumata görə, Kiyev, Odessa, Dnepropetrovsk, Poltava, Çerkassk, Xarkov və digər vilayətlərdə hava hücumundan müdafiə sistemləri işləyir.

Dnepr şəhərində 4 partlayış olub. Şəhərdə elektrik enerjisinin verilməsi dayandırılıb.

Kiyev və Odessa şəhərlərinə də raket zərbələri endirilib.

Hazırda xilasedicilər insanların dağıntılar altından çıxarılması üçün axtarış-xilasetmə işləri aparırlar.

Məlumata görə, Ukraynanın bir sıra vilayətlərində elektrik enerjisinin verilişi dayandırılıb. Dneprdə isə raket hücumları nəticəsində 5 nəfər yaralanıb. Vurğulanıb ki, hava hücumu nəticəsində sənaye müəssisəsi və yaxınlıqdakı yaşayış binaları zədələnib. Bütün zərərçəkənlərin vəziyyəti orta ağırdır.

Eyni zamanda Odessada da 3 nəfərin hava hücumu zamanı xəsarət aldığı qeyd olunub.

Ukraynanın Baş naziri Denis Şmıqal Rusiyanın budəfəki zərbələrinin hədəfinin ölkənin qaz hasilatı müəssisələri, xüsusilə Dneprdəki "Yujmaş" zavodu olduğunu açıqlayıb.