Ukrayna Rusiya ordusunun hücumları nəticəsində həlak olan uşaqların sayını açıqlayıb

Rusiya ordusunun Ukraynaya hücumları nəticəsində 215 uşaq həyatını itirib, 391 uşaq isə yaralanıb.

Ukrayna baş prokurorunun verdiyi açıqlamada Rusiya ordusunun bombardmanları nəticəsində 1500-dən çox təhsil müəssisəsinin zədələndiyi, onlardan 102-nin tamamilə məhv edildiyi qeyd edilib.

Açıqlamada Rusiyanın hücumlara başladığı 24 fevraldan bu yana 215 uşağın həyatını itirdiyi, 391 uşağın yaralandığı bildirilib.