Ukrayna Müdafiə Nazirliyi bəyanat yayıb

Ukrayna fevralın 24-də ölkəyə hücuma başlayan Rusiya qüvvələrinin "üç gündən çox kifayət etməyəcək" sursat və ərzaq ehtiyatına malik olduğunu bildirib.

Ukrayna Müdafiə Nazirliyi ölkədəki vəziyyətlə bağlı son yenilikləri paylaşıb.

Nazirlik bildirib ki, Ukrayna əsgərləri Rusiya hərbçilərini paytaxt Kiyevdən təxminən 60 kilometr qərbdə yerləşən qəsəbədən sıxışdırıb çıxarıb.

Açıqlamada "Rusiya qüvvələrinin tankerlərlə doldurulan üç günlük yanacağı var. Onlar əsgər toplamaq ehtiyacını ödəyə bilmədilər. Ukrayna Hərbi Hava Qüvvələri son 24 saat ərzində bir təyyarə, altı pilotsuz uçuş aparatı və iki helikopter də daxil olmaqla, Rusiyanın doqquz hava hədəfini vurub. Ukraynanın mərkəzindəki Sumi şəhərindən kiçik bir şəhər olan Oxtırkada 300 Rusiya əsgəri Ukraynaya qarşı hərbi əməliyyatlar aparmaqdan imtina edərək əməliyyat zonasını tərk edib. Ukrayna qüvvələri 13 hücuma müqavimət göstərərək 14 tank, səkkiz piyada döyüş maşını, iki çoxməqsədli ehtiyad maşını, üç artilleriya sistemi və dörd başqa texnikanı məhv edib” deyilib.