Rusiya Qara dənizdə hərbi təlimlərə başlayır

  Rusiya Müdafiə Nazirliyi 30-dan çox hərbi gəminin təlimlər üçün Qara dənizə girdiyini açıqlayıb.

  Nazirlikdən verilən məlumatda bildirilir: “Planlaşdırılan təlimlər çərçivəsində Sevastopol və Novorossiysk limanlarından 30-dan çox hərbi gəmi Qara dənizə daxil olub.”

  Qeyd edək ki, Rusiya Müdafiə Nazirliyinin yanvarın 20-də verdiyi açıqlamada Rusiya donanmasının yanvar və fevral aylarında “məsul olduğu” bütün bölgələrdə ardıcıl hərbi təlimlər keçirəcəyi bildirilib.

  Sözügedən təlimlərə 140 gəmidən əlavə 60 təyyarə və 10 min əsgər də qatılacaq.