İran nüvə razılaşması ilə bağlı yeni şərt irəli sürdü
İran, Amerika Birləşmiş Ştatlarının sanksiyaları səbəbiylə sata bilmədiyi neft qarşılığında Avropa ölkələrinin 15 milyard dollarlıq kredit təmin etmələri halında nüvə sazişinin öhdəliklərini yerinə yetirəcəyi bildirib.
İranın yarı rəsmi xəbər agentliyi Fars-a görə, İran xarici işlər nazirinin müavini Abbas Arakçı: “Nüvə razılaşmasının şərtlərini yerinə yetirməğimiz üçün neft satmağımıza icazə verilməli və ya kredit təmin edilməlidir. Əks təqdirdə, müqavilədəki öhdəliklərin çoxuna əməl edilməyəcək. Nüvə sazişinə sadiq qalmağımız 4 ay ərzində 15 milyard dollar alamağımızdan asılıdır. Avropa ya İrandan neft satın almalı və ya neft gəlirimiz qədər kredit verməlidir”-deyə vurğulayıb.
Qeyd edək ki, ABŞ prezidenti Donald Tramp ilə keçən həftə Fransanın Biarritz şəhərində keçirilən G7 sammiti çərçivəsində görüş keçirən Fransa prezidenti Emmanuel Makron, İranın xarici işlər naziri Məhəmməd Cavad Zərifi ilə də bir araya gələrək nüvə sazişini müzakirə etdi.
Әlaqәli Xәbәrlәr
İraqdakı Kor-Mor təbii qaz yatağı hədəf alınıb, ölən və yaralananlar var
Hücumdan sonra Kor-Mor təbii qaz yatağında yanğın baş verib.
