Hәsәn Ruhani Donald Trampın İranla bağlı açıqlamasına münasibәt bildirib

İran prezidenti Hәsәn Ruhani regional vә qlobal problemlәrin Amerika Birlәşmiş Ştatlarının müdaxilәlәri sәbәbindәn yaşandığını söylәyib.

İranın paytaxtı Tehranda keçirilәn Nazirlәr Kabinetinin yığıncağından sonra dövlәt televiziyasına müsahibә verәn Hәsәn Ruhani ABŞ Prezidenti Donald Trampın İranla bağlı açıqlamalarına münasibәt bildirib.

Hәsәb Ruhani bildirib ki, regional vә qlobal problemlәr Amerika Birlәşmiş Ştatlarının yersiz müdaxilәlәri sәbәbindәn yaşanır.

Amerika Birlәşmiş Ştatları vә İsrailin dәstәklәdiyi terror qruplaşmalarının 1979-cu il  inqilabın ilk günlәrindә 17 min İranlını öldürdüyünü deyәn Hәsәn Ruhani İranın terrora qarşı qәrarlı mövqe nümayiş etdirdiyini vurğulayıb.

İran prezidenti bildirib ki, amerikalılar bu gün Latın Amerikası vә Venesuelanın daxili mәsәlәlәrinә müdaxilә edir. ABŞ-ın dünyanın dörd qüşәsinә müdaxilә etdiyini bilirik. Onların izlәdiyi siyasәt nә özlәrinin, nә dә ABŞ xalqının xeyrinә xidmәt etmir.

ABŞ prezidenti Donald Tramp Senat və ABŞ Konqresinin Nümayəndələr Palatası qarşısında "Ölkənin vəziyyəti haqqında" illik müraciətlə çıxışı zamanı İranın terrorra әn çox dәstәk verәn ölkә olduğunu iddia etmişdi.

Donald Tramp çıxışı zamanı Tehranın ABŞ-ın bölgәdәki müttәfiqlәrini vә yәhudilәri tәhdid etmәsinә icazә vermәyәcәklәrini  söylәmişdi.