Din xadimi Mövləvi Əbdüşşəkur Tərşabi öldürülüb

İRNA xəbər agentliyinin Xaş şəhər meriyasının müavini Məhəmməd Əhmədi Bolaqa istinadən çatdırdığı məlumatda görə, Mövləvi Əbdüşşəkur Tərşabi səhər saatlarında naməlum silahlılar tərəfindən sui-qəsdə məruz qalıb. Din xadimi hadisə yerində həyatını itirib.

Din aliminin öldürülməsinin qəsəbə xalqını matəmə boğduğunu ifadə edən Məhəmməd Əhmədi Bolaq: “Mövləvi Əbdüşşəkur Tərşabi akademik və elmi sahədə görkəmli şəxslərdən idi. O, bölgədə İslami birlik və bütövlüyün müdafiəçisi idi",-deyib.

Bolaq Cinayətkarların tutularaq ədalətə təhvil verilmələri üçün ətraflı istintaq başladıldığını sözlərinə əlavə edib.