Gürcüstanın keçmiş prezidenti Mixeil Saakaşvili 6 il həbsə məhkum edildi
Tbilisi şəhər məhkəməsi Gürcüstanın eks-prezidenti, Ukraynanın Odessa vilayətinin keçmiş qubernatoru Mixeil Saakaşvili haqqında 6 il həbs cəzası qərarı verib.
Sabiq prezident gürcü deputat Valeri Gelaşvilinin qaçırılaraq döyülməsi hadisəsi ilə bağlı vəzifəsindən sui-istifadə etməkdə və zorakılıqda ittiham edilib. Məhkəmə eyni vaxtda onun Onun həmçinin Gürcüstanda 2 il 3 ay dövlət işindən vəzifə almasını da qadağan edib.
Bu, Hollandiyada yaşayan Saakaşvili haqqında ikinci qiyabi həbs qərarıdır. O, bundan öncə Birləşmiş Gürcüstan Bankının əməkdaşı Sandro Qirqvlianinin cinayətində qatil haqqında əfv qərarı çıxardığı üçün “mənafeyini qorumaqda” ittiham edilmiş və 3 illik həbs cəzası almışdı. Lakin, 2013-cü ildən sonra Gürcüstanı tərk edərək Ukraynada yaşamağa başladığı üçün həbs qərarı icra edilməmişdi.
Qeyd edək ki, Saakaşvili ötən il Ukraynada da həbs edilmiş, daha sonra Polşaya deportasiya edilmişdi. O, hazırda Hollandiyada yaşayır.
Әlaqәli Xәbәrlәr
İraqdakı Kor-Mor təbii qaz yatağı hədəf alınıb, ölən və yaralananlar var
Hücumdan sonra Kor-Mor təbii qaz yatağında yanğın baş verib.
