Afrində daha iki kənd terrorçulardan təmizləndi

Türkiyə Silahlı Qüvvələri (TSQ) və Azad Suriya Ordusu (ASO) Afrinin Göbələk və Kureybə kəndlərini terrorçulardan təmizləyib.

“Zeytun budağı” əməliyyatı çərçivəsində TSQ və ASO Afrinin şimal-şərqindəki Şeran qəsəbəsinə bağlı Göbələk kəndi ilə qəsəbənin cənub-qərbindəki Cinderes qəsəbəsinə bağlı Kureybə kəndini terror təşkilatları YPG/PKK-DEAŞ-dan xilas edib.

TSQ və əməliyyatlara dəstək olan ASO qüvvələri əməliyyatın başladığı gündən indiyədək YPG/PKK-DEAŞ-dan Afrində 114-ü kənd, 30- həssas məntəqə olmaqla cəmi 144 bölgəyə nəzarəti ələ keçirmişdir.