Mövlud Çavuşoğlu "Əsəd rejimi Afrinә daxil olur" iddialarına cavab verdi

Türkiyәnin Xarici İşlәr naziri Mövlud Çavuşoğlu Bәşәr Әsәdә sadiq qüvvәlәrin Afrinә separatçı terror tәşkilatı PKK/PYD/YPG-ni qorumaq üçün daxil olacağı tәqdirdә Türkiyәyә  heç kimin mane ola bilmәyәcәyini deyib.

İordaniyanın paytaxtı Ammanda rәsmi sәfәrdә olan Mövlud Çavuşoğlu hәmkarı  Eymәn әs-Safedi ilә tәkbәtәk görüş keçirib.

Daha sonra Çavuşoğlu vә әs-Safedi heyәtlәrarası görüşә sәdrlik ediblәr.

Görüşlәrdәn  sonra keçirilәn birgә mәtbuat konfransında Mövlud Çavuşoğlu Bəşər Əsədə sadiq qüvvələrin Afrinә daxil olmağa hazırlaşdığı ilә bağlı xəbərə münasibət bildirib.

Mövlud Çavuşoğlu bildirib ki: ‘‘Əsəd rejimi YPG-ni təmizləmək üçün Afrinə daxil olmaq istəyirsə, problem yoxdur ancaq YPG-ni  qorumaq üçün Afrinə gedirsə heç kim Türkiyәyә mane ola bilmәz’’

Mövlud Çavuşoğlu Türkiyә Silahlı Qüvvәlәrinin yanvarın 20-dә başladığı ‘‘Zeytun Budağı’’ әmәliyyatının mәqsәdinin bölgәnin terrorçulardan tәmizlәmәk olduğunu deyib.

Mövlud Çavuşoğlu Türkiyənin hər zaman Suriyanın ərazi bütövlüyünü dәstәklәdiyini  vurğulayıb.