Livanda hərbi birliklərə "döyüşə hazır ol" əmri verildi

Livan  Silahlı Qüvvələrinin Baş Qərargah rəisi Joseph Aun " düşmən İsrailin təhdid və ehmallarına cavab vermək üçün"  ölkənin cənub  sərhədindəki hərbi qüvvələrə "döyüşə hazır ol" əmri verdi.

Əmr İsrailin İran və Hisbullahı səbəb göstərərək mötədil ərəb liderlərinə ittifaq çağırışı etməsi və Səudiyə Ərəbistanı ilə gizli görüşdüyünü etiraf etməsindən sonra  verildi.

Joseph Aun Twitter vasitəsilə paylaşdığı açıqlamada İsraillə sərhəddə sabitliyin qorunması və BMT Təhlükəsizlik Şurasının 1701 saylı qərarnaməsinin "düzgün şəkildə tətbiq olunması üçün" sayıq olmağa çağırdı.