Rakkada iki ayda 946 mülki vətəndaş ölüb
Suriyanın şimalında terör təşkilatı DEAŞ-ın nəzarətində olan Rakka şəhər mərkəzinə təşkil olunan quru və hava hücumlarında iki ayda 946 vətəndaşın öldüyü bildirilir.
"Rakka Səssiz-səmirsiz Məhv Edilir" adlı yerli aktivist şəbəkəsi Amerika Birləşmiş Ştatlarının rəhbərliyi altındakı DEAŞ əleyhinə koalisiyanın 9 iyun - 8 avqust tarixləri arasında Rakka şəhər mərkəzinə təşkil etdiyi quru və hava hücumlarında ən azı 946 vətəndaşın həlak olduğunu bildirir.
Aktivist şəbəkəsinin internet saytında iki aydır su və elektriklərin kəsildiyi Rakkadan təxminən 450 min mülki vətəndaşın da DEAŞ əleyhinə koalisiyanın və PKK/PYD-nin hücumları üzündən evlərini tərk etdiyi qeyd edilir.
Saytda: "PYD-nin mühasirəyə aldığı Rakkada təxminən 30 min vətəndaş DEAŞ-ın döşədiyi minalar səbəbindən şəhərdən qaça bilmir" deyilir.
Terror təşkilatı PKK/PYD-nin hücumları üzündən DEAŞ-ın fərqli metodlara əl atdığını bildirən aktivist şəbəkəsi:"DEAŞ Rakkanı müdafiə etmək üçün canlı bomba aksiyalarını artırıb. Bu ana qədər 60-dan çox canlı bomba hücumu həyata keçirilib" deyə bildirir.
Әlaqәli Xәbәrlәr
Rusiya nüvə silahından istifadə təlimləri keçirəcək
Rusiya Müdafiə Nazirliyindən verilən açıqlamada bildirilir ki ...
Tacikistan, Qırğızıstan və Özbəkistan vətəndaşları Rusiyaya qəbul edilmir
Rusiya gömrükçüləri baş örtülü qadınların, saqqallı, lakin bığsız kişilərin keçidini qəbul etmir
