Qəzzadakı enerji problemi regionu yeni böhranın astanasına sürükləyə bilər
Bunu Birləşmiş Millətlər Təşkilatının Orta Şərq Sülh Prosesi üzrə xüsusi koordinatoru Nickolay Mladenov bildirdi.
Birləşmiş Millətlər Təşkilatının Orta Şərq Sülh Prosesi üzrə xüsusi koordinatoru Nickolay Mladenov Qəzzadakı eneryi probleminin regionu yeni bir böhranın astanasına sürüklədiyi barədə xəbərdarlıq etdi.
Mladenov BMT Təhlükəsizlik Şurasında: "Fələstin problemi, o cümlədən, Orta Şərqdəki vəziyyət" başlıqlı iclasa Qüdsdən video-konfransla qoşularaq üzv ölkələri məlumatlandırdı.
Son bir ayda artan gərginliyin partlayışa hazır bir şərait yaratdığına diqqət çəkən Mladenov BMT Təhlükəsizlik Şurasını gərginliyi azaltmağa yönəlmiş tədbirlərin görülmədiyi təqdirdə böhranın nəzarətdən çıxacağı və bu vəziyyətin həm fələstinlilər, həm israillilər üçün pis nəticələr verəcəyi barədə xəbərdarlıq etdi.
Qəzzadakı enerji böhranına toxunan və Qəzza xalqına aprel ayından bəri gündə yalnız 4 saat elektrik verildiyini qeyd edən Mladenov elektrik probleminin su mənbələri və səhiyyə xidmətlərinə ciddi təsir etdiyini, xəstəxanaların cərrahiyyə əməliyyatları təxirə salmaq məcburiyyətində qaldığını və bu vəziyyətin zorakılıq hadisələrinə təkan verəcəyini bildirdi.
Mladenov: "Nə qədər müddət bu şəkildə yaşamağa davam edəcəklərini düşünürsünüz? Bunun doğuracağı zorakılıqdan yenə kasıb Fələstin xalqı əziyyət çəkəcək" deyə danışdı.
İsrail həbsxanalarında 40 gündür aclıq tətili edən fələstinli məhbusların vəziyyətinin isə son dərəcə narahatverici olduğunu bildirən Mladenov aclıq tətilini keçirən təxminən 60 nəfərin sağlamlıq vəziyyətinin pisləşməsi səbəbindən xəstəxanaya yerləşdirildiyini qeyd etdi.
Әlaqәli Xәbәrlәr
Rusiya nüvə silahından istifadə təlimləri keçirəcək
Rusiya Müdafiə Nazirliyindən verilən açıqlamada bildirilir ki ...
Tacikistan, Qırğızıstan və Özbəkistan vətəndaşları Rusiyaya qəbul edilmir
Rusiya gömrükçüləri baş örtülü qadınların, saqqallı, lakin bığsız kişilərin keçidini qəbul etmir