Rusiya ABŞ-a nota verdi
Rusiya Baş naziri Dmitri Medvedyev Amerika Birləşmiş Ştatlarının Suriyada hökumət hava bazasını vurmasına "qarşıdurmanın astanasına gəlindi" qarşılığını verib.
Medvedyev ictimai media hesabından paylaşdığı yazıda “Vaşinqtonun əsas düşməni DAEŞ deyil. O, Əsədlə mübarizə aparır” deyə bildirib.
ABŞ-ın Suriya hökuməti hava bazasını vurmasını “beynəlxalq hüquqa zidd” adlandıran Medvedyev deyib:
“Hərbi qarşıdurmanın eşiyinə gəlinib. ABŞ prezidenti Donald Trampın seçki əvvəli çıxışları ilə vəzifəyə gəldikdən sonrakı işləri bir-birilə uyğun gəlmir.”
Bu arada, Rusiya Müdafiə Nazirliyi ABŞ-la Suriyada koordinasiyalı danışıq xəttini bu gündən etibarən dayandırdığını açıqlayıb.
Nazirliyin sözçüsü İqor Konaşenkov bildirib:
“ABŞ-ın Rusiya üzrə Səfirliyinin nümayəndəsi Nazirliyə çağırılıb, Rusiya Müdafiə Nazirliyi Moskva və Pentaqon arasında Suriyadakı əməliyyatlar zamanı uçuş təhlükəsizliyinin təmin edilməsiylə bağlı razılaşma öhdəliklərini 8 aprel 2017-ci il saat 00:00-dan etibarən dayandırdığına dair nota verib."
Әlaqәli Xәbәrlәr
İraqdakı Kor-Mor təbii qaz yatağı hədəf alınıb, ölən və yaralananlar var
Hücumdan sonra Kor-Mor təbii qaz yatağında yanğın baş verib.
