“İndi xalqlar arasında divarhörmə zamanı deyil”, H.Ruhani

  Amerika Birləşmiş Ştatları prezidenti Donald Trampın Meksika sərhədinə divar hörmə yolunu açan sərəncamı imzalaması İran rəhbərliyində də əks-səda yaradıb.

  Paytaxt Tehranda turizm sərgisində çıxış edən İran prezidenti Həsən Ruhani Ağ Evə ünvanlanaraq deyib: "İndi xalqlar arasında divarhörmə zamanı deyil... Berlin divarı belə söküldü… Bu cür tədbirlər hər zaman əks-reaksiya doğurur və divarlar əvvəl-axır yıxılır.”

  Vaşinqton rəhbərliyinin immiqrantlarla bağlı yeni tədbirlər planı və nüvə müqaviləsinə də toxunan Ruhani, eyni zamanda, "açıq qapı" siyasətinin etibarlı olduğunu deyib.