İrandan, Türkiyəyə əməkdaşlıq haqqında çağırış
12 Yanvarda, prezident Rəcəb Tayyib Ərdoğana telefon edən İran prezidenti Həsən Ruhani, terrora qarşı mübarizədə Türkiyə ilə əməkdaşlıq etmək istədiklərini bildirib.
İranın prezident aparatından verilən məlumata görə iki lider arasında baş tutan telefon danışığı zamanı bölgədə cərəyan edən proseslər təhlil edilib.
Suriyada atəşkəsin bərpasını yüksək qiymətləndirdiklərini ifadə edən İran dövlət başçısı Ruhani atəşkəsin daimi olması üçün bütün tərəflərin səy etmələrinin lazım gəldiyini, Ankara, Moskva və Tehran arasında güçlü əməkdaşlığın bölgədə sülh və əmin-amanlığın təmin edilməsinə töhvə verəcəyinə inandığını vurğulayıb.
Qazaxıstanın paytaxtı Astanada keçirilməsi nəzərdə tutulan Suriya danışıqlarına da toxunan Ruhani, Türkiyə və İranın əməkdaşlığı ilə Suriya və bölgədə sabitliyin bərpa edilə biləcəyinə inandığını, əsas hədəfin bütün terror təşkilatlarına qarşı mübarizə olduğunu qeyd edib.
Prezident Ərdoğan da, İranın sabiq dövlət başçısı Haşimi Rəfsəncaninin ölümü səbəbindən İran milləti və dövlətinə başsağlığı verib. Rəfsəncaninın Ankara-Tehran əlaqələrinin güclənməsində böyük rolu olan lider olduğunu vurğulayıb. İki ölkə əməkdaşlıq edərək bölgədəki terror qruplaşmalarının kökünü kəsməlidir deyən Ruhani, Türkiyə və İranın, bölgədə böyük məsuliyyətlrə sahib iki dövlət olduğunu, Suriyada bərpa edilən atəşkəsin daimi olması üçün bütün tərəflərin öz öhdəliklərinǝ ǝmǝl etmǝlǝrinin vacibliyini qeyd edib.
Әlaqәli Xәbәrlәr
İraqdakı Kor-Mor təbii qaz yatağı hədəf alınıb, ölən və yaralananlar var
Hücumdan sonra Kor-Mor təbii qaz yatağında yanğın baş verib.