İraqda silsilә partlayışlar törәdilib
İraqın paytaxtı Bağdadın müxtəlif nöqtələrində hәyata keçirilәn bombalı və silahlı hücumlar nәticәsindә biri polis olmaqla 6 nəfər həyatını itirib, 20 nəfər dә yaralanıb.
İraq Daxili İşlәr Nazirliyindәn verilәn mәlumata görә, Bağdadın şimalında yerlәşәn Әt-Tarimiyyә qәsәbәsindә namәlum snayper tәrәfindәn nәzarәt mәntәqәsinә atәş açılıb. Hücum nәticәsindә bir polis әmәkdaşı hәyatını itirib, 2 polis yaralanıb.
Sәbul Bur bölgәsindәki bir bazar yaxınlığında baş verәn partlayışda isә 2 nәfәr ölüb, 6 nәfәr dә yaralanıb.
Bağdadın şimal-qәrbindә yerlәşәn Әş-Şule sәmtindәki mağazaların qarşısına yerlәşdirilәn partlayıcı qurğunun partlaması nәticәsindә 2 nәfәr hәyatını itirib, 5 nәfәr dә yaralanıb.
Bağdadın cәnubunda yerlәşәn Әd-Dura sәmtindә tibb mәrkәzinin yaxınlığında törәdilәn bombalı hücum nәticәsindә isә 1 nәfәr hәyatını itirib, 7 nәfәr dә xәsarәt alıb.
Qeyd edәk ki, hücumlara görә mәsuliyyәti hәlә ki, öz üzәrinә götürәn olmayıb.