Beynəlxalq koalisiya qüvvələri Münbiçdə DEAŞ hədəflərini vurdu
Amerika Birləşmiş Ştatlarının rəhbərlik etdiyi terror təşkilatı DEAŞ əleyhinə beynəlxalq koalisiya qüvvələri Suriyanın şimalında yerləşən Münbiçdəki DEAŞ hədəflərini vurdu.
514073
ABŞ Mərkəzi Qüvvələr Komandanlığından (CENTCOM) verilən yazılı məlumatda ABŞ-ın rəhbərliyindəki qüvvələrin dünən Suriyada döyüş və pilotsuz uçuş aparatları ilə DEAŞ hədəflərinə 16 hava hücumu təşkil etdiyi qeyd olunur.
DEAŞ-dan geri alınması üçün iyunun 1-dən etibarən əməliyyatların davam etdiyi Münbiçə 9 hava hücumunun təşkil olunduğu bildirilən məlumatda hücumlarda təşkilatın taktika sahələrinin, döyüş mövqelərinin və vasitələrinin yararsız hala gətirildiyi ifadə edilir.
Məlumatda Suriyadakı digər hücumların Mera, Əbu Kamal, Rakka, Eyn Isa və Deyruz Zor ətrafında keçirildiyi də bildirilir.
Әlaqәli Xәbәrlәr
İraqdakı Kor-Mor təbii qaz yatağı hədəf alınıb, ölən və yaralananlar var
Hücumdan sonra Kor-Mor təbii qaz yatağında yanğın baş verib.
