İraqda qarşıdurmada 60 terrorçu mǝhv edilib

İraqın Mosul şǝhǝrinǝ nǝzarǝt edǝn terror tǝşkilatı DAEŞ üzvü 11 kamikadzenin Peşmergǝ mövqelǝrinǝ hücumu nǝticǝsindǝ yaranan qarşıdurmada 60 terrorçu mǝhv edilib, Peşmergǝ dǝstǝlǝrindǝn isǝ bir nǝfǝr hǝlak olub.

İraq Kürd Regional İdarǝnin Peşmergǝ Nazirliyinǝ bağlı xüsusi dǝstǝlǝrin (Zerevani) komandiri general Bǝhçǝt Teymǝz bildirib ki, terror tǝşkilatı DAEŞ Mosulun Keske cǝbhǝsi vǝ köhnǝ Mosul bölgǝsinǝ 11 kamikadze ilǝ genişmiqyaslı hücum hǝyata keçirib. Baş verǝn qarşıdurmada 60 terrorçu zǝrǝrsizlǝşdirilib.

General vurğulayıb ki, Peşmergǝnin mövqelǝrinǝ yaxınlaşmaq istǝyǝn vǝ üzǝrindǝ bomba yerlǝşdirilmiş jiletlǝrin olduğu müǝyyǝn edilǝn silahlılar aşkarlandığı anda zǝrǝrsizlǝşdirildi. Qarşıdurmalardan sonra 11 terrorçunun meyti Peşgergǝnin ǝlinǝ keçdi. Nǝticǝdǝ Peşmergǝdǝn dǝ bir nǝfǝr hǝlak oldu.

Qeyd edǝk ki, terror tǝşkilatı DAEŞ-ın 2014-cü il iyunun 10-dan bǝridir nǝzarǝtindǝ saxladığı Mosul şǝhǝr mǝrkǝzi Keske cǝbhǝsi vǝ köhnǝ Mosul bölgǝsindǝn tǝqribǝn 50 km mǝsafǝdǝ yerlǝşir.