Suriyada bombalı hücumda 15 nǝfǝr ölüb

Suriyada Әsǝd rejiminǝ mǝxsus döyüş tǝyyaralǝrin paytaxt Dǝmǝşqin Ayn Terma bölgǝsinǝ tǝşkil etdiyi bombalı hücum nǝticǝsindǝ 15 nǝfǝr ölüb, 30 nǝfǝr isǝ yaralanıb.

Sǝhra xǝstǝxanasının mǝsulları vǝ mülki müdafiǝ qruplarından ǝldǝ edilǝn mǝlumata ǝsasǝn orduya mǝxsus döyüş tǝyyarǝlǝri Dǝmǝşqin şǝrqi uta bölgǝsindǝki Ayn Termada bazar yerlǝrindǝn birinǝ hücum edib. Eyni mǝnbǝlǝr ölǝnlǝr arasında qadın vǝ uşaqların olduğunu bildirib. Hücum nǝticǝsindǝ çoxlu sayda bina vǝ iş yerindǝ yanğın baş verib.

Rejim qüvvǝlǝri Rusiyanın müdaxilǝsilǝ Hǝma şǝhǝrinin şimalındakı bǝzi kǝndlǝri geri alıb.
Suriya İnsan Haqları mǝrkǝzi rus döyüş tǝyyarǝlǝrinin ǝn az 30 hava zǝrbǝsi endirdiyini, Suriya ordusu vǝ Hizbullah silahlılarının müxtǝlif kǝndlǝri ǝlǝ kǝçirdiyini bildirib.
Suriya ordusu tǝrǝfindǝn verilǝn açıqlamada isǝ çoxlu sayda zirǝhli texnikanın vǝ müxalifǝt döyüşçülǝrinin zǝrǝrsizlǝşdirildiyi qeyd edilib.
Rusiyanın dǝstǝyini götürǝn Suriyadakı rejim ordusu son ǝmǝlliyatlardan sonra İdlib, Hǝma vǝ Lazkiya şǝhǝrlǝrinin ǝtrafındakı bǝzi bölgǝlǝr Әsǝd qüvvǝlǝrinin nǝzarǝtinǝ keçib.
Digǝr tǝrǝfdǝn BMT-nin Suriya üzrǝ xüsusi nümayǝndǝsi Steffan De Mistura Suriyada yaşanan böhrana hǝll yolu tapmaq mǝqsǝdilǝ ABŞ vǝ Rusiyaya sǝfǝr edǝcǝk. Mistura Suriyada yaşanan böhranın hǝllindǝ bu iki ölkǝnin açar rol oynadığını söylǝyib.