İraqda vǝtǝndaş müharibǝsi tǝhlükǝsi

Mosulun ardından Sǝddam Hüseynin doğulduğu şǝhǝr Tikritǝ hücum edǝn İŞİD silahlıları Bağdad istiqamǝtindǝ irǝlilǝyir.
Regional rǝhbǝrliyǝ bağlı Peşmergǝ Nazirliyinin baş katibi Cabbar Yavǝr, Türkiyǝnin Mosul baş konsulu vǝ 48 ǝmǝkdaşının, Mosul valilik binasında tutulduqlarını vǝ sǝhhi vǝziyyǝtlǝrinin yaxşı olduğunu açıqlayıb.
Yavǝr, Kǝrkükdǝki son vǝziyyǝtǝ dair isǝ İraq ordusunun, şǝhǝrdǝki düşǝrgǝ vǝ qǝrargahlarını tǝrk etdiyini, bölgǝyǝ nǝzarǝtin tamamilǝ peşmergǝ qruplaşmasının ǝlindǝ olduğunu deyib.
İraqda toqquşmalar isǝ ölkǝ miqyasında davam edir.
Diyalada hǝyata keçirilǝn hava hücumlarında onlarla İŞİD silahlısının öldüyü, tǝşkilata aid 60 maşının da mǝhv edildiyi bildirilib.
Mosuldan sonra Tikritǝ hücum edǝn İŞİD silahlıları orda da girov götürdüklǝri ǝsgǝrlǝrin kadrlarını media üzǝrindǝn yayımlayıb.
Ancaq İraq ordusu bir müddǝt sonra Tikritin İŞİD-in ǝlindǝn geri alındığını açıqlayıb.
Hǝdǝflǝrinin Bağdad olduğunu bildirǝn İŞİD silahlıları, Ǝnbara bağlı Hasibǝ bölgǝsindǝ dǝ geri çǝkilǝn hǝrbi hissǝlǝrǝ hücum edib.
Hadisǝ zamanı çoxlu sayda ölǝn vǝ yaralanan olduğu bildirilib.
Baş nazir Nuri ǝl-Malikinin tǝlimatı ilǝ, İraq hökumǝtinin, şiǝlǝr üçün önǝmli bir mǝrkǝz sayılan Samarranın qorunmasında orduya dǝstǝk üçün dinç ǝhalidǝn ibarǝt min nǝfǝrlik ǝlavǝ qüvvǝ tǝşkil edildiyi açıqlanıb.
İraq parlamentindǝ ölkǝdǝki tǝhlükǝsizlik mǝsǝlǝsinin müzakirǝ edilǝcǝyi növbǝdǝn kǝnar toplantı, iştirakçı olmadığı üçün baş tutmayıb.
Digǝr tǝrǝfdǝn Mosulu işğal edǝn İŞİD silahlıları, sosial şǝbǝkǝ bağlantıları üzǝrindǝn şǝhǝrdǝ hǝyata keçirilǝcǝk qayda-qanunlar haqqında da mǝlumat yayımlayıb.
İŞİD-in açıqladığı qayda-qanunlar arasında, “Qadınların mǝcbur olmadıqda çölǝ çıxmayacağı, çıxanların isǝ İslami ǝsaslara görǝ geyinmǝk mǝcburiyyǝtindǝ olduğu, qarǝtçilǝrin şǝriǝt ǝsaslarına görǝ cǝzalandırılması, içki vǝ tütünün qadağan edilmǝsi” yer tutub.