Azərbaycan qoşunları bütün cəbhə boyu əməliyyat şəraitinə nəzarət edir

Azərbaycan Ordusu torpaqlarını azad etmək üçün əməliyyatlarını davam etdirir. 

Azərbaycan Müdafiə Nazirliyinin məlumatına görə, oktyabrın 19-u gün ərzində və 20-ə keçən gecə cəbhənin Ağdərə-Ağdam, Füzuli-Hadrut-Cəbrayıl və Qubadlı-Zəngilan istiqamətlərində müqavimət göstərməyə cəhd edən düşmənə qarşı döyüş əməliyyatları müxtəlif intensivliklə davam edib.

Azərbaycan Ordusu tərəfindən həyata keçirilən fəaliyyətlər nəticəsində cəbhənin müxtəlif istiqamətlərində düşmənin canlı qüvvəsi, 2 ədəd T-72 tankı, 4 ədəd BM-21 “Qrad” YARS, 1 ədəd D-30 haubitsa topu və 5 ədəd avtomobil texnikası məhv edilib və sıradan çıxarılıb.

Açıqlamada əməliyyatlarda çox sayda Ermənistan əsgərinin zərərsizləşdirildiyi, Azərbaycan qoşunlarımız bütün cəbhə boyu əməliyyat şəraitinə nəzarət etdiyi də bildirilib.