Erdo'g'an Falastin xalqiga hamdardlik bildirdi

Turkiya Prezidenti Rajap Tayyip Erdo'g'an G’azo shimolidagi Jabaliya qochqinlar lagerida sodir bo’lgan yong'inda 21 kishining halok bo’lgani munosabati bilan Falastin xalqiga hamdardlik bildirdi.

Prezident Erdo‘g‘an o‘zining ijtimoiy tarmoqdagi sahifasida shunday dedi:

"G'azodagi yong'inda 21 nafar falastinlik birodarimizning, jumladan, bolalarning halok bo'lganidan chuqur qayg'udamiz. Ushbu qayg'uli voqeada halok bo'lganlarga Allohdan rahmat, oilalariga sabr, jarohatlanganlarga tezroq shifo tilayman. Do‘st va qardosh Falastin xalqiga hamdardlik bildiraman”,-dedi Erdo'g'an.