Erdoʻgʻan: Yetarli, toʻyimli va xavfsiz oziq-ovqatga erishish har bir insonning eng asosiy haqqi
Erdo‘g‘on Islom Hamkorlik tashkilotining navbatdagi Oziq-ovqat xavfsizligi va qishloq xo‘jaligini rivojlantirish bo‘yicha mas’ul vazirlar oʻrtasida uyushtirilgan konferensiyasiga videomurojaat yo‘lladi.
Prezident Rajap Tayyip Erdoʻgʻan yetarli, toʻyimli va xavfsiz oziq-ovqatga erishish har bir insonning eng asosiy haqqi ekanini qayd etdi.
Erdo‘g‘on Islom Hamkorlik tashkilotining navbatdagi Oziq-ovqat xavfsizligi va qishloq xo‘jaligini rivojlantirish bo‘yicha mas’ul vazirlar oʻrtasida uyushtirilgan konferensiyasiga videomurojaat yo‘lladi.
Unda, dunyo aholisi soni koʻpayib borayotgan bir paytda global oziq-ovqatga boʻlgan talab ham kundan kunga ortib borayotganini ta’kidlagan Erdoʻgʻan tabiiy ofatlar, suv tanqisligi, oʻrmon yongʻinlari, sel falokatlari, eroziya va qurgʻoqchilik kabi iqlim oʻzgarishining salbiy oqibatlarining oziq-ovqat resurslarini buzayotganini qayd etdi.
Koronavirus pandemiyasining qishloq xo‘jaligidagi taklif-talab muvozanatini buzganini, ta’minot zanjirlarida uzilishlarga yoʻl ochganini ta’kidlagan Prezident, dunyo aholisining qariyb 10 foizining ochlik xavfi ostida ekanini alohida ta’kidladi.
Erdoʻgʻan bir haftada 810 million inson eng asosiy oziq-ovqat mahsulotlariga erisha olmas ekan boshqa tomondan yirik sarmoya egalarining bir necha daqiqalik turistik kosmik sayohat uchun yuz millionlab dollar sarflay olayotganiga ham e’tibor qaratib:
“Muloqot bunchalik keng tarqagan va dunyo global qishloqqa aylangan bunday chogʻda hech kimning menga nima boshqasidan deyish imkoni yoʻq. Yetarli, toʻyimli va ishonchli oziq-ovqatga erishish bir imtiyoz emas, hamma uchun eng asosiy haqdir. Islom Hamkorlik tashkiloti a’zolari sifatida yana-da adolatli dunyo uchun ovozimizni chiqarish, insonlik uchun javobgarchilikdir. Albatta buning uchun eng avvalo oʻrtamizdagi birlik va birdamlik va hamkorlikni orttirish alohida oʻringa ega”.-deya gapirdi.
Erdoʻgʻan, keng ekin maydonlari bilan birga qulay geografik va iqlim sharoiti yordamida koʻplab qishloq xoʻjaligi mahsulotlarida dunyo lideri boʻlgan Turkiyaning tajriba va imkoniyatlaridan foydalanilishini xohlaganini bildirdi.
Aloqador xabarlar
Prezident Rajap Tayyip Erdog’an 7 davlatning elchilarini qabul qildi
Prezident Erdog’an, elchilar bilan esdalik surati tushdi.Erdog’an keyinroq elchilarni qabul qildi.