Turkiyada 275 oʻrmon yongʻinidan 272 tasi nazorat ostiga olindi

Qishloq va oʻrmon xoʻjaligi vaziri Bekir Pakdemirli, 2 yongʻin uchogʻining yongʻinlar davom etayotgan Gretsiyaga yuborilishi rejalashtirilayotganini ma’lum qildi.

Pakdemirli Mugʻlaning Marmaris tumanida matbuotga bergan bayonotida, 10-avgustdan e’tiboran Turkiyada 275 oʻrmon yongʻinidan 272 tasining nazorat ostiga olinganini, Mugʻlaning Koʻyjeyiz, Milas va Bodrum tumanlaridagi yongʻinlarning esa davom etganini bildirdi.

Yongʻinlarni oʻchirish uchun 15 samolyot, 62 ta vertolyot, 9 uchuvchisiz havo transporti, 1 ta uchuvchisiz vertolyot, 850 suv purkagich, 430 texnik vosita va 5 ming 250 xodim ish olib borganini ifoda etgan Pakdemirli, Gretsiyadagi yongʻinlar haqida:

“Gretsiyadagi yongʻin jiddiy tus oldi va aholi punktlariga tahdid sola boshladi. Shu ma’noda qoʻshnimizga 2 ta uchoq yuborilishi rejalashtirilmoqda”. - dedi.

Pakdemirli keyinroq ijtimoiy tarmoqdagi hisobida qoldirgan postida, 11 kundan beri davom etgan Milas yongʻinining nazorat ostiga olingani va sovutish ishlari boshlaganini bildirdi.