Chavusho‘g‘lu:“YI bilan muammolarni muloqot va diplomatik yo‘l bilan hal qilishimiz mumkin"

Tashqi Ishlar vaziri Mevlut Chavusho‘g‘lu Yevropa ittifoqi bilan bo‘lgan muammolarning faqatgina muloqat va diplomatik yo‘llar orqali hal qilinishi mumkinligini qayd etdi.

Chavusho‘g‘lu amaliy tashrif bilan Turkiyaga kelgan Vengriya Tashqi Ishlar vaziri va tashqi savdo yetakchisi Peter Sijyarto bilan poytaxt Anqarada matbuot anjumani uyushtirdi.

Unda Mevlut Chavusho‘g‘lu Gretsiya bilan bog‘liq masalasida Yevropa ittifoqining to‘g‘ri o‘rtamchilik qilish vazifasini zimmasiga olishi kerakligini ifoda etgan holda,

“Yevropa ittifoqi bilan muammolarni faqatgina muloqat va diplomatik yo‘llar orqali hal qilishimiz mumkin”. – dedi.

Vengriya Tashqi Ishlar vaziri Peter Sijyarto ham o‘z so‘zida Yevropaning xavfsizligidagi Turkiyaning o‘rniga e’tibor qaratgan holda,

“Xohlasa xohlamasa Yevropaning xavfsizligi sezilarli o‘lchamda Turkiyaning qo‘lidadir”.- dedi.