Turkiya prezidenti Rajap Tayyip Erdo’g’an “Politika” gazetasiga intervyu berdi
Intervyuda Turkiya-Serbiya munosabatlariga to’xtalgan Erdo’g’an: “Mushtarak chegaralarimiz bo’lmasa ham Serbiyani o’zimizga qo’shni davlat deb bilamiz”,-dedi.
Turkiya prezidenti Rajap Tayyip Erdo’g’an ikki kunlik amaliy tashrif munosabati bilan Serbiyaga jo’nab ketdi.
Erdo’g’an safari oldidan “Politika” gazetasiga intervyu berdi.
Prezidentning ta’kidlashicha, Turkiya-Serbiya munosabatlari ikki mamlakat tarixidagi eng yuqori bosqichga ko’tarildi.
Intervyuda Turkiya-Serbiya munosabatlariga to’xtalgan Erdo’g’an: “Mushtarak chegaralarimiz bo’lmasa ham Serbiyani o’zimizga qo’shni davlat deb bilamiz”,-dedi.
Prezident Erdo’g’anning fikricha, Bolqonlarda tinchlik va barqarorlikni saqlab qolish juda katta ahamiyat kasb etadi. Serbiyada tinchlik-farovonlik hukm surgan taqdirda, bu butun mintaqaga ijobiy ta’sir ko’rsatadi.
Turkiya bilan Serbiya o’rtasidagi iqtisodiy munosabatlarga to’xtalgan Erdo’g’an: “Mushtarak savdo hajmimiz 2018 yili rekord darajaga ko’tarilib 1.2 mlrd dollarga yetdi. Kelgusida ikki davlat o’rtasidagi savdo hajmini 5 mlrd dollarga chiqarishni maqsad qilyabmiz”,-dedi.
Prezident Erdo’g’an Kosova muammosiga e’tibor qaratar ekan, tomonlarni qoniqtiradigan keng qamrovli kelishuv tuzish kerakligini bildirdi.
“Tomonlarning mustaqil irodasiga tayangan doimiy va keng qamrovli kelishuv tuzilishini qo’llab quvvatlaymiz”,-deb aytgan Turkiya prezidenti Rajap Tayyip Erdo’g’an “Politika” gazetasiga bergan intervyusida.
