Turkiyaning sharqida terrorizmga qarshi kurash davom etmoqda

Turkiyaning sharqida terrorizmga qarshi kurash jadallik bilan davom etmoqda.

Shirnak viloyatida terror tashkiloti PKKga qarshi olib borilayotgan operatsiyada 5 kun ichida 40 ta terrorist o’ldirildi.

Terroristlarning lageriga aylangan Bestler-Dereler hududida havodan va quruqlikdan jangovar operatsiya olib borildi.

Operatsiya davomida hududda terroristlarga tegishli ko’plab qurol-aslaha va kundalik ashyolar topildi.

Diyarbakir viloyati Kulp tumanida olib borilgan operatsiyada esa, 2 ta terrorist o’ldirildi.

Hakkari, Bitlis, Elazig’ va Mardin viloyatlarida terroristlarga tegishli yer to’lada ko’plab qurol-aslaha va kundalik ashyolar topildi.

Qolaversa, Turkiya Qurolli kuchlari Iroqning shimolida joylashgan Zap va Gara hududida havodan jangovar operatsiya uyushtirdi.

Operatsiyada terroristlar tomonidan qo’llanilgan 2 ta g’or, 2 ta boshpana va 4 ta qurol otish joyi portlatildi.

Turkiya Harbiy bosh shtabi raisi general Hulusi Akar terrorizmga qarshi kurash muvaffaqiyatli davom etganini ma’lum qildi.

“Qahramonliklar, fidokorliklar davom etmoqda. Terrorizmga qarshi kurashimiz muvaffaqiyatli ketmoqda”,-deydi Hulusi Akar.

Turkiyada terrorizmning ildizi quritilgunicha kurash davom etishini aytgan Hulusi Akar: “Mamlakatimizda terrorizmga qarshi kurash davom etar ekan, xavfsizlik kuchlarimiz kurash jarayonida tinch aholiga zarar bermaslikka harakat qilmoqda”,-dedi.