Toshkent Davlat Sharqshunoslik universitetida Turkiya elchisi bilan uchrashuv bo'lib o'tdi
Turkiya elchisi Toshkent davlat sharqshunoslik universiteti faoliyati, universitetning O‘zbekiston bilan Turkiya o‘rtasidagi ta’lim va ilm-fandagi aloqalarni rivojlantirishdagi o‘rni, turkshunoslik sohasining istiqboldagi rejalari bilan tanishdi.
Kecha, 14-aprel kuni Toshkent Davlat Sharqshunoslik universitetida Turkiya Respublikasining O‘zbekistondagi yangi tayinlangan Favqulodda va muxtor elchisi Olgan Bekar bilan uchrashuv bo‘lib o‘tdi.
Uchrashuvda Turkiya elchisi Olgan Bekar Toshkent davlat sharqshunoslik universiteti faoliyati, universitetning O‘zbekiston bilan Turkiya o‘rtasidagi ta’lim va ilm-fandagi aloqalarni rivojlantirishdagi o‘rni, turkshunoslik sohasining hozirgi holati va istiqboldagi rejalari bilan yaqindan tanishdi.
Olgan Bekar so‘ngi yillarda Toshkent davlat sharqshunoslik universiteti Turkiya universitetlari va tashkilotlari, Turkiya elchixonasi bilan olib borayotgan tizimli hamkorlik, turkshunoslik sohasi rivojlanishiga berilayotgan e’tiborga yuqori baho berdi.
U shuningdek, kelgusida ham elchixona ta’lim va ilm-fan sohasida turli tashabbuslarni qo‘llab-quvvatlashini bildirdi.
Olgan Bekar Toshkent davlat sharqshunoslik universiteti O‘zbekistondagi tashrif buyurgan ilk oliy ta’lim muassasasi ekanini qo’shimcha qildi.
Aloqador xabarlar
Moskvada O‘zbekiston – Rossiya munosabatlari qo‘lga olindi
Shavkat Mirziyoyev bilan Vladimir Putin Moskvada uchrashuv o‘tkazdi.
Turk kompaniyasi O‘zbekistonda poyabzal ishlab chiqarmoqchi
Cashm Barlas Toshkent viloyatida korxona tashkil etish uchun yer sotib olishni rejalashtirmoqda.