YeXHTning qisqa muddatli kuzatuvchi missiyasi 2-6-dekabr kunlari O’zbekistonda bo’ladi
Eslatib o’tamiz YeXHT vakillari 11-14 oktabr kunlari O’zbekistonga borib, mamlakatdagi siyosiy vaziyatni o’rganib ortidan O’zbekistonga to’laqonli kuzatuvchi missiyasini yuborishga qaror qilgan edi.
Yevropa xavfsizlik va hamkorlik tashkiloti (YeXHT) Demokratik institutlar va inson huquqlari bo’yicha byurosining to’laqonli kuzatuvchi missiyasi 2016-yilning 4-dekabri kuni O'zbekistonda bo'lib o'tadigan Prezidentlik saylovini kuzatish uchun 3-noyabr kuni Toshkentga kelgan.
Johan Peter Traugott Tyler boshchiligidagi 17 kishilik kuzatuvchi missiya birinchi marotaba O’zbekistonda Prezidentlik saylovini kuzatib boradi.
Saylovni kuzatish uchun Toshkentga kelgan 17 kishilik guruh ortidan 5-noyabr kuni yana 28 kishilik uzoq muddatli guruhning ham kelgani ma’lum. Qisqa muddatli 250 kishilik kuzatuvchi guruh esa 2-6-dekabr kunlari O’zbekistonda bo’ladi.
Eslatib o’tamiz Yevropada xavfsizlik va hamkorlik tashkiloti (YeXHT) Demokratik institutlar va inson huquqlari bo’yicha byurosi nomidan bir guruh 11-14 oktabr kunlari O’zbekistonga borib, mamlakatdagi siyosiy vaziyatni o’rganib chiqqan edi.
Aloqador xabarlar
Mirziyoyev Qozog‘iston yetakchisi va xalqiga hamdardlik bildirdi
Shavkat Mirziyoyev bilan Qasim - Jo‘mart To‘qayev telefon orqali muloqot qildi.
