Yaqin Sharqdagi taranglik tufayli Yevropada gaz narxi 7,5 foizga oshdi

Yevropada tabiiy gaz narxi Yaqin Sharqda kuchayib borayotgan taranglikning ta'siri tufayli kecha 7,5 foizga oshdi.

Niderlandiyada joylashgan virtual tabiiy gaz savdo nuqtasi TTFda may oyidagi fyuchers shartnomalari megavatt-soatiga gaz narxi kecha 31,14 yevroni ko'rsatdi.

"Isroil va Eron o'rtasidagi taranglik tufayli ta'minotda uzilishlar bo'lishi mumkin" degan xavotirlar tufayli megavatt-soat gaz narxi kechagi ko'rsatgichga nisbatan 7,5 foizga oshdi.

Rossiya-Ukraina urushi va Rossiyadan Yevropaga gaz quvuri oqimi deyarli to'liq to'xtaganidan so'ng, qit'a global bozorlardagi o'zgarishlarga nisbatan zaifroq bo'ldi.

Qish mavsumi yakunlangan bo'lsa-da, jahon bozorlaridagi o'zgarishlar taklif bilan bog'liq xavotirlarni kuchaytirmoqda, bu esa narxlarning oshishida namoyon bo'lmoqda.