Vladimir Putin Ukraina bilan mumkin bo'lgan tinchlik muzokaralariga tayyor ekanini bildirdi

Rossiya prezidenti Vladimir Putin Ukraina bilan mumkin bo'lgan tinchlik muzokaralariga tayyor ekanini bildirdi. Rossiya prezidenti (Kreml) saroyi bayonotiga ko‘ra, Belarusga tashrif buyurgan Putin va Prezident Aleksandr Lukashenko poytaxt Minskdagi Mustaqillik saroyida uchrashdi.

Ikki tomonlama va hay’atlararo uchrashuvlardan so’ng o’tkazilgan mushtarak matbuot anjumanida so’zlagan Putin, ikki davlat o’rtasidagi mudofaa sohasida hamkorlikka to’xtaldi.

Putin Belarus hududida qo‘shma mintaqaviy bo‘linmalar, Rossiya mudofaa tizimlari va taktik yadro qurollari joylashtirilganini aytdi.

Uning ta'kidlashicha, Rossiya va Belarus strategik bo'lmagan yadro qurollarini qo'llash bo'yicha mashg'ulotlar boshlagan.

Putin, “Biz Rossiya xavfsizligiga qanday ahamiyat bersak, Belarus xavfsizligiga ham xuddi shunday ahamiyat beramiz” dedi.

Rossiya va Ukraina o'rtasidagi muzokaralarga to'xtalib o'tgan Putin, Rossiya hech qachon muzokaradan voz kechmaganini, Angliya esa Ukrainani bundan qaytarganini aytdi.

Muzokara mavzusining kun tartibiga qaytarilganiga diqqat qaratgan Putin, “(Ukrainaliklar) muzokaraga qaytishi mumkin, lekin bir davlatning xohishiga ko’ra emas” dedi.

  Ular buni Belarus va Turkiyada bo‘lib o‘tgan muzokaralarda erishilgan asosiy kelishuvlar va yerdagi faktlarga tayangan holda amalga oshirishlari mumkin. “Biz bunga tayyormiz”, dedi u.

Ukraina prezidenti Vladimir Zelenskiyning vakolat muddati tugaganiga ishora qilib, Putin shunday dedi:

“Hozirgi davlat rahbarining qonuniyligi tugadi va biz bundan xabardormiz. Tinchlik muzokaralarini ultimatumlar bilan emas, balki sog‘lom fikr bilan qayta boshlash kerak.

  Ammo, agar gap muzokaralar haqida ketsa, albatta, qonuniy kuchga ega hujjatlarni imzolash uchun kim bilan kelishib olishimiz mumkinligini tushunishimiz kerak. "Biz qonuniy hukumat bilan biznes yuritishimizga ishonch hosil qilishimiz kerak."