Fransiya G'azoga 600 tonna gumanitar yordam jo'natmoqchi
Fransiya Tashqi ishlar vaziri Ketrin Kolonna, Yevropa Ittifoqi, Afrika Ittifoqi, Birlashgan Millatlar Tashkiloti, 50 dan ortiq davlat va nohukumat tashkilotlar vakillari ishtirokida G'azodagi gumanitar inqiroz bo'yicha yig'ilish o'tkazildi.
Fransiya Isroil hujumlaridan jabrlangan G'azoga 600 tonna qo'shimcha yordam jo'natmoqchi.
Fransiyada 9-noyabr kuni bo'lib o'tgan G'azo uchun xalqaro gumanitar konferensiyada qabul qilingan qarorlarning ijrosini nazorat qilish maqsadida yig'ilish o'tkazildi.
Videokonferensiya orqali o‘tkazilgan yig‘ilishda Fransiya Tashqi ishlar vaziri Ketrin Kolonna, Yevropa Ittifoqi, Afrika Ittifoqi, Birlashgan Millatlar Tashkiloti, 50 dan ortiq davlat va nohukumat tashkilotlar vakillari ishtirok etdi.
Tashqi ishlar vazirligi tomonidan berilgan bayonotda, G'azo xalqi epidemiya va ochlik xavfiga duch kelgani bildirildi.
Shuningdek, G'azoda dori-darmon, suv, oziq-ovqat va tibbiy yordam olishda muammolar mavjudligi qayd etilib, mintaqaga qo'yilgan cheklovlarning bekor qilinishi kerakligi ta'kidlandi.
Bundan tashqari, mintaqada yangi o'tish punktlari ochilishi kerakligi ta'kidlanib, gumanitar yordam nazoratini tezlashtirish talab qilindi.
G'azoda faoliyat yuritayotgan Jahon sog'liqni saqlash tashkiloti missiyasi uchun 2 million yevrolik qo'shimcha mablag' ajratilishi, Fransiyaning G'azoga dengiz orqali 600 tonna qo'shimcha insonparvarlik yordami jo'natishi qayd etildi.
Aloqador xabarlar
Indoneziyada 6 magnitudali yer silkinishi sodir bo‘ldi
Indoneziyaning Gorontalo shahri qirg‘oqlarida 6 magnitudali yer silkinishi sodir bo‘ldi.