Isroilning G'azoga hujumining 10-kunid ham bombardimon davom etdi

G'azoda Falastin guruhlari bilan Isroil o'rtasidagi to'qnashuvlar, Hamasning harbiy qanoti Izz ad-Din al-Qassam brigadalarining 7 oktyabr tongida Isroilga "Aqsa to'foni" deb nomlangan keng qamrovli hujum uyushtirganidan keyin 10-kuniga kirdi.

Isroil qamal ostidagi G'azoga hujumlarining intensivligini oshirmoqda.

Isroil armiyasi tun bo'yi havo hujumlari bilan G'azo sektorining turli qismlarini bombardimon qilishni davom ettirdi, bu yerda 2750 kishi halok bo'ldi, 10 mingga yaqin kishi jarohat oldi.

Isroilning oxirgi hujumlarida G'azoda yana 80 kishining hayotdan ko'z yumgani, 100 kishining yaralangani bildirildi. Vayronalar ostida hali ham minglab odamlar bor.

Isroil samolyotlarining G'azo sharqida fuqaro mudofaasi va favqulodda xizmatlar guruhlarini nishonga olishi natijasida yana besh nafar tibbiyot xodimi halok bo'ldi.

G'azo sektorining janubidagi Xon Yunis va Rafahga Isroil harbiy samolyotlari tomonidan uyushtirilgan hujumlarda 11 falastinlik hayotdan ko'z yumdi.

Falastin Jurnalistlar Uyushmasi ham Isroilning G'azoga uyushtirgan hujumlarida 11 jurnalist halok bo'lgani, 20 dan ortiq matbuot a'zosi yaralangani va 2 nafari bedarak yo'qolganini ma'lum qildi.

Isroil kuchlari havo hujumlarida ayniqsa G'azodagi asosiy yo'llarni nishonga olmoqda.

Isroil 10 kundan beri oziq-ovqat va dori-darmon kabi hech narsaning o'tishiga ruxsat bermagan G'azoda ham shifoxonalar ogohlantirmoqda.

Birlashgan Millatlar Tashkilotining (BMT) Gumanitar masalalarni muvofiqlashtirish boshqarmasi G'azo sektoridagi barcha kasalxonalardagi yoqilg'i zahiralarining ko'pi bilan 24 soat ichida tugashini ma'lum qildi.

Bayonotda zaxira transformatorlarning to‘xtab qolishi minglab odamlarning hayotiga xavf tug‘dirishi ta’kidlangan.

BMT Aholishunoslik jamg'armasi G'azo sektoridagi 50 ming homilador ayol asosiy tibbiy xizmatlardan mahrum bo'lganini ma'lum qildi.

Birlashgan Millatlar Tashkilotining Falastinlik Qochqinlarga Yordam Agentligi ham G'azoda maktab va ularga aloqador binolarda kamida 400 ming kishi ko'chirilganini e'lon qildi.

Falastin Ichki Ishlar Vazirligining G'azodagi yozma bayonotida,

“Isroilning davom etayotgan hujumlari tufayli G’azo sektorida ichimlik suvi bo’yicha jiddiy inqiroz mavjud.

  “Bosqinchi kuchlar 10 kundan beri G‘azo sektoridagi birorta shaharga bir litr ham ichimlik suvi tortmagani xalqni xavfli suvga o‘tishga majbur qildi”, — deyiladi xabarda.

Bayonotda mintaqa aholisi hayotiga tahdid solayotgan jiddiy sog'liq inqirozi haqida ogohlantirildi.

8 oktabr kuni Isroil blokadada bo‘lgan G‘azoga suv, elektr, oziq-ovqat va boshqa asosiy xizmatlarni to‘xtatishga qaror qildi.

Birlashgan Millatlar Tashkilotining 14-oktabr kuni xabar berishicha, G‘azo sektori bo‘ylab suvning kamayishi tufayli 2 milliondan ortiq odam xavf ostida qolgan.

Quruqlik operatsiyasiga tayyorgarlik ko'rgan Isroil qo'shini, G'azodagi xalqdan mintaqaning janubiga ko'chib o'tishlarini so'radi.

TelAviv ma'muriyati 600 ming falastinlik ularning chaqirig'i bilan mintaqa janubiga o'tganini da'vo qildi.

Qassam Brigadalari 7 oktyabr kuni Isroilga qarshi "Aqsa to'foni" deb nomlangan keng qamrovli hujum uyushtirganliklarini e'lon qildi.

G'azodan Isroil tomon minglab raketalar otilgan bir paytda, qurolli guruhlar mintaqadagi aholi punktlariga kirgan edi.

Isroil armiyasi ham G’azo sektoriga qarshi jangovar samolyotlar bilan “Temir qilichlar” operatsiyasini boshlaganini ma’lum qilgan edi.

Har ikki tomonda ham minglab qurbonlar bor.