Pokistonda harbiy konvoyga sodir etilgan hujumda 6 askar halok bo'ldi
Afg‘onistonda faoliyat ko'rsatgan "Pokiston Toliboni" hujum uchun javobgarlikni o‘z zimmasiga oldi.
![Pokistonda harbiy konvoyga sodir etilgan hujumda 6 askar halok bo'ldi](http://cdn.trt.net.tr/images/xlarge/rectangle/c4d2/bae2/d820/63fc9b4eb6275.jpg?time=1719182233)
Pokistonda harbiy konvoyning o'tishi vaqtida sodir etilgan hujumda 6 nafar askarning halok bo'lgani bildirildi.
Pokiston armiyasi tomonidan berilgan bayonotda, mamlakatning Afg'oniston bilan chegarasidagi Janubiy Vaziriston viloyatida harbiy karvonga hujum uyushtirilgani ma'lum qilindi.
Hujumda 6 askar hayotdan ko'z yumgani bildirilgan bayonotda, voqea ortidan sodir bo'lgan to'qnashuvda 4 nafar jangari o'ldirilgani, 2 jangari esa yaralangani bildirildi.
Hujumchilarni qo'lga olish uchun hududda operatsiya boshlangani qayd etildi.
Afg‘onistonda faoliyat ko'rsatgan "Pokiston Toliboni" hujum uchun javobgarlikni o‘z zimmasiga oldi.
Oxirgi oylarda mamlakatda, xususan, Xayber-Paxtunxva va Balujiston viloyatlarida terror hujumlari kuchaygan.
Islomobod bu hujumlar Afg'onistonda joylashgan "Pokiston Toliboni" terroristik guruhi tomonidan sodir etilayotganini ta'kidlaydi. Afg'oniston esa, buni rad etib kelmoqda.