BMT Qora dengiz tashabbusini qo‘llab-quvvatlagani uchun Turkiyaga minnatdorchilik bildirdi
Stefan Dujarrik, Qora dengiz don yo‘lagi kelishuvi muddatining uzaytirilishi masalasi ustidan yozma ravishda bayonot berdi.
Birlashgan Millatlar Tashkiloti (BMT) Matbuot xizmati kotibi Stefan Dujarrik, Qora dengiz don yo‘lagi kelishuvi muddatining uzaytirilishi masalasini diplomatik jihatdan qo‘llab-quvvatlagani uchun Turkiyaga minnatdorchilik bildirdi.
Qora dengiz don yo‘lagi kelishuvi muddatining uzaytirilishi masalasi ustidan yozma ravishda bayonot bergan Dujarrik:
“2022-yil 22-iyulda Istanbulda imzolangan Qora dengiz don tashabbusi muddati uzaytirildi. Tashabbus, Ukraina portlaridan don va oziq-ovqat moddalari bilan ammiaklarni xavfsiz ravishda tashishni ko‘zda tutmoqda”.-degan ifodalarga o‘rin berdi.
Kelishuv, dastlabki ikki davrda 25 million metrik tonna don va oziq-ovqat mahsulotlarini 45 davlatga tashish orqali, global oziq-ovqat narxlarini pasaytirish va bozorlarni barqarorlashtirishga yordam berganini qayd etgan Dujarrik, “Qora dengiz tashabbusini diplomatik jihatdan qo‘llab-quvvatlagani uchun Turkiya hukumatiga minnatdorchilik bildiramiz”.-dedi.
Dujarrikning qayd etishicha, kelishuv, Rossiya oziq-ovqat mahsulotlari va o‘g‘itlarini jahon bozorlariga olib chiqishni rag‘batlantirish bo‘yicha o‘zaro anglashuv memorandumi bilan ayniqsa, rivojlanayotgan mamlakatlar uchun gloval oziq-ovqat xavfsizligi jihatidan muhimdir.
Matbuot kotibi o‘z so‘zida, “Ikkala kelishuvga ham qat’iy sodiq qolamiz va barcha tomonlarni ularni to‘liq amalga oshirish uchun harakat qilishga chaqiramiz”,-dedi.
Don yo‘lagi kelishuvi Turkiya, Ukraina, Rossiya va BMT o‘rtasida 2022-yil 22-iyul kuni Istanbulda imzolangandi.
2022-yilning 19-noyabridan boshlab 120 kunga uzaytirilgan shartnoma muddati kecha o‘z nihoyasiga yetayotgandi.
Aloqador xabarlar
Armanistonda Pashinyanning iste'fosi talab qilindi
Armanistonda Bosh vazir Nikol Pashinyanning iste'fosi talab qilindi.