Yaponiya Turkiya va Suriyaga 27 mln dollarlik gumanitar yordam yuboradi

Yaponiya kuchli zilzilalardan zarar ko'rgan Turkiya va Suriyaga taxminan 27 million dollarlik favqulodda gumanitar yordam yetkazadi.

Turkiya 6-fevral kuni Turkiya va Suriyada vayronagarchiliklarga sabab bo'lgan vayronkor zilzila talofatlarini bartaraf etishga harakat qilar ekan, Yaponiya hukumati ushbu mamlakatlarga yordam berishni davom ettirmoqda.

Yaponiya Vazirlar Mahkamasi Bosh kotibi Hirokazu Matsuno Turkiya va Suriyaga 27 million dollarga yaqin favqulodda gumanitar yordam yetkazilishini ma’lum qildi.

Matsuno mablag'ning 16 million dollari xalqaro tashkilotlar orqali berilishini, Turkiya va Suriyadagi zilzila qurbonlarining boshpana, oziq-ovqat va boshqa kundalik ehtiyojlarini ta’minlash uchun safarbar qilinishini qayd etdi.

U shuningdek, Tokio hukumati  Yaponiya nodavlat tashkiloti orqali ikki davlatga 4 million dollarlik yordam berishi haqidagi ma'lumotni o'rtoqlashar ekan, zilziladan zarar ko'rgan hududlarni qayta tiklash uchun Turkiya va Suriyaga insonparvarlik yordamini davom ettirishini ta'kidladi.

Shuningdek, Yaponiyaning xalqaro yordam fondi orqali Suriyaga 7 million dollarlik gumanitar yordam jo'natishi ma'lum bo'ldi.