Kobulda xitoyliklar joylashgan mehmonxonaga hujum sodir etildi

Afg'oniston poytaxti Kobulda xitoyliklar joylashgan mehmonxonaga hujum uyushtirildi.

Guvohlarning so‘zlariga ko‘ra, shaharning Nev tumanidagi Xitoy mehmonxonasiga qurolli va bombali hujum uyushtirilgan.

Hujumchilar mehmonxonaga bostirib kirib, atrofga o'q uza boshlagan.

Portlash va otishma ovozlari eshitilgan hududga ko'p sonli Tolibon a'zosi yetib kelgan.

Tolibon a'zolari mehmonxonaga olib boradigan barcha ko'chalarni transport harakati uchun yopib qo'ygan.

Hozircha hech kim hujum uchun javobgarlikni o‘z zimmasiga olmadi.