Tunisda konstitutsiya bo‘yicha referendum natijasi tasdiqlandi
Tunisning Oliy mustaqil saylov komissiyasi yangi konstitutsiya bo‘yicha bo‘lib o‘tgan referendum natijasini tasdiqladi.
Tunisda yangi konstitutsiya loyihasi qabul qilingani e'lon qilindi.
Mamlakatda 25-iyul kuni o'tkazilgan yangi konstitutsiya bo'yicha referendumning norasmiy natijalari e'lon qilindi.
Tunis Mustaqil Oliy saylov komissiyasi raisi Faruk Buasker ommaviy ovoz berishda qatnashgan 2 million 630 ming 94 saylovchining 94,6 foizi “ha” deb ovoz berganini bildirdi.
"Mustaqil Oliy saylov komissiyasi Tunis Respublikasining yangi konstitutsiyasi loyihasi qabul qilinganligini e'lon qiladi",- deb bayonot bergan Faruk Buasker.
Ma'lumki, 2021-yil 25-iyulda Tunis prezidenti Kays Said Assambleya faoliyatini to‘xtatib, deputatlik daxlsizligini olib tashladi, 22-sentabrda esa yangi farmonlari bilan o‘z vakolatlarini kengaytirdi va ijroiya organini butunlay o‘ziga bo‘ysundirdi.
Said “Siyosiy inqirozdan chiqish yo‘l xaritasi” bilan 13-dekabr kuni mamlakatda 2022-yil 25-iyulda konstitutsiyaga o‘zgartirish kiritilishi, 17-dekabrda esa navbatdan tashqari umumiy saylovlar o‘tkazilishini e’lon qildi va Assambleya shu paytgacha yopiq qoladi.
Saylov komissiyasining ma’lumotlariga ko‘ra, yangi konstitutsiya loyihasini ovoz berishda qatnashganlarning 94,6 foizi qo‘llab-quvvatlagan, lekin saylovchilarning atigi 27 foizi ushbu siyosiy tadbirda ishtirok etgani haqida aytilmoqda.
Konstitutsiyaga o‘zgartish kiritish davlat rahbariga yanada kengroq vakolatlarni beradi.
